សមត្ថកិច្ចចម្រុះខេត្តតាកែវដុតកំទេចចោលសត្វជ្រូកទាំង១១ក្បាលមកពីប្រទេសវៀតណាម
12-August-2017 | ដោយ ពល បញ្ញា
តាកែវ ៖ នារសៀលថ្ងៃទី១០ ខែសីហា ឆ្នាំ២០១៧ បានឃាត់និងត្រួតពិនិត្យរថយន្តមួយគ្រឿងពាក់ស្លាកលេខ ភ្នំពេញ 2L-4094 ពេលត្រួតពិនិត្យជាក់ស្តែងឃើញស្តុកជ្រូករស់ចំនួន១១ក្បាល ដែលដឹកដោយឈ្មោះ អ៊ុក សម្បត្តិ ភេទប្រុស មានទីលំនៅភូមិប្រសៀត ឃុំរំចង់ ស្រុកសំរោង ខេត្តតាកែវ។ ហើយក្រុមអន្តរាគមន៍បានបញ្ជូនមករក្សាទុកនៅការិយាល័យផលិតកម្ម និងបសុព្យាបាលខេត្តដើម្បីសាកសួរដល់អាជីវករឈ្មោះ អ៊ុក សម្បត្តិ ក៏បានទទួលកំហុសសារភាពថា រូបគាត់ពិតជាបាននាំជ្រូកមកពីប្រទេសវៀតណាមយកមកលក់ក្នុងខេត្តតាកែវពិតប្រាកដមែន។
លោកវរសេនីយ៍ទោ សួស សារឿន នាយការិយាល័យប្រឆាំងបទល្មើសសេដ្ឋកិច្ច បានឲ្យដឹងថា ដោយអនុវត្តតាមការណែនាំនិងបញ្ជាផ្ទាល់ពីសំណាក់ លោកឧត្តមសេនីយ៍ត្រី សុខ សំណាង ស្នងការនគរបាលខេត្តតាកែវ សហការជាមួយបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្ត។
លោកវរសេនីយ៍ទោ នាយការិយាល័យបានបន្ថែមថាករណីនេះកម្លាំងជំនាញបានធ្វើពិធី ដុតកំទេចសត្វជ្រូកទាំង១១ក្បាល កាលពីវេលាម៉ោង១៤និង៣០នាទីល្ងាចថ្ងៃទី១០ សីហា ២០១៧ ដោយមានសមាសភាពចូលរួមដោយលោកអគ្គនាយករង លោកព្រះរាជអាជ្ញារងអមសាលាដំបូងខេត្ត លោកប្រធានការិយាល័យផលិតកម្មនិងបសុព្យាបាលខេត្ត ព្រមទាំងកម្លាំងជំនាញនគរបាលប្រឆាំងបទល្មើសសេដ្ឋកិច្ចផងដែរ ៕
ចំនួនអ្នកទស្សនា
- ថ្ងៃនេះ6141
- ម្សិលមិញ16391
- សប្តាហ៍នេះ52371
- ខែនេះ167521
- ឆ្នាំនេះ167521
- សរុប20609977